-
-
تقرير عن عيوب و مميزات اسبيرانزا A516 من خلال سؤال و جواب
-
-
Speranza بالايطالية تعنى الامل و بالفعل معظم من امتلكوا هذه السيارة كان لديهم امل.
الامل فى الحصول على سيارة كبيرة و عائلية بمبلغ يعتبر زهيد فى سوق السيارات المصرى.
الامل فى اقتناء سيارة بكماليات كثيرة جدا باقل سعر.
الامل فى الحصول على سيارة جديدة تغنيهم عن الاعطال الكثيرة للسيارة القديمة و زيارة الميكانيكى الاسبوعية لمدة خمس سنوات على الاقل.
و بعد اقتنائها ...... هل تحققت امالهم و احلامهم؟؟؟
سنحاول الاجابة عن هذا السؤال فى السطور التالية من خلال اسئلة و اجوبة من ملاك السيارة.
س: ايه رأيك فى العربية؟
ج:حلوة و واسعة و عفشة خدمة شاقة و ماتور جبار
س:ماتور جبار ازاى يعنى (تخيلت للحظة انه 3000 سى سى على الاقل)؟
ج:ماتور 1600 سى سى و بالسعر ده
س:طب هو كام حصان(ايضا تخيلت ان 1600 سى سى و جبار يبقى على الاقل 130 حصان)؟
ج: 117 حصان
س:طب و التقفيل اخباره ايه؟
ج: انت و حظك
س: نعم؟؟؟؟؟؟
ج:على فكرة التقفيل لمصرى كله كده فى عربيات مفيهاش اى مشاكل و فى عربيات كلها مشاكل
س:و انت حظك طلع ايه بقى؟
ج: حاجات بسيطة الحمد لله
س:زى ايه مثلا؟
ج: الفانوس الخلفى مش راكب كويس و فى مسافة بينه و بين جسم العربية بس دى لاقيتها فى كل العربيات, الكرسى بتاع السواق بيزيق, الكاسيت لازم ادوس على الزراير كذا مرة عشان يشتغل , تيل الفرامل بيصفر لما ادوس فرامل و دى برضو لقيتها عند الكل و فيه فرق فى الدرج اللى فى التابلوه.
س:كل ده و حاجات بسيطة؟ امال لو حاجات جامدة بقى كنت قلت ايه؟
ج:فى ناس عندها مشاكل فى التكييف او السنتر و سمعت ان فى واحد الماتور وقع من الحوض بتاع العربية بس ده اعتفد كان فى الموديلات اللى فى الاول بس.
س:لما الموتور يفع و الفرامل بتصفر و معظم الكماليات مش شغالة امال انا دفعت 60000 جنيه فى ايه؟
ج:اولا العربية واسعة جدا و مريحة جدا ثانيا ماتور جامد جدا و سحب رائع ثالثا ثبات عالى جدا و كماليات كتير جدا و لو تغاضيت عن مشاكل التقفيل هتحب العربية جدا.
س: با سيدى الفاضل لما استلم العربية و فيها المشاكل دى كلها امال كمان سنة هيبقى فيها ايه و كمان خمس سنين ده اذا عاشت خمس سنين هتبقى عاملة ازاى؟
ج:المهم الماتور و العفشة و على فكرة الصاج بتاعها جامد جدا اجمد من كل الجديد الكورى او اليابانى
س: و هو اللى مش عارف يركب فانوس فى مكانه او يصنع تابلوه الدرج يتاعه متعشق فى مكانه بالظبط هيعرف يصنع ماتور او عفشه؟
ج:دا عشان التقفيل مصرى لكن الماتور جاى متقفل جاهز
س:طب اخبار استهلاك البنزين ايه؟
ج:هو عالى شوية ؟
س: طبعا مش ماتور جبار
ج:ده غير ان جسم العربية تقيل
الى هنا انتهت المناقشة و اترك للقارئ تقييم السيارة
مميزات و عيوب ميتسوبيشى لانسر 2007 بومة
